電熱水爐嘅運作邏輯

儲水式電熱水爐就好似一個「恒溫煲」，入面裝住一大桶水，用電熱管加熱到設定溫度（例如60°C）之後會暫停加熱，但當水逐漸變凍，就會自動重新加熱，保持恒溫。 所以，只要插住電掣，佢就會間歇性開機煲水。

唔熄電會唔會用好多電？

根據多個實測與專家意見，如果電熱水爐長開，確實會持續用電。儲水式型號一日保持恒溫，可額外消耗約10至20度電，特別係高功率（約3000W）型號，電費單自然「嚇你一跳」。
而消委會測試亦指出，即使係保溫能力較強嘅單膽熱水爐，每日「待命」都要0.35至0.85度電；雙膽型就高達1.8度電。
相反，如果每次用完就熄掣，下一次只係重新加熱整桶水，大概用2至3度電左右。長遠計，間歇開關係更慳電，尤其係夏天。

但冬天要例外？

氣溫低嘅時候，若每日都洗熱水澡，專家話「長開」反而可能更省電，因為水温降得快，不停重新啟動會用更多能量。
簡單講，若家中人多、熱水需求高，例如朝晚都用，就可以長開無妨；但若只係偶爾洗一次，建議用完即關更划算。

小貼士：慳電開關懶人包

• 調低水溫設定至45°C至55°C，夠用又慳電
• 可加裝時間掣或智能插頭，定時自動開關
• 每隔數月檢查水垢，避免加熱效率下降
• 若機身不停「煲水」或有異常聲，要即刻停用維修

FAQ：唔熄電掣會唔會危險？

一般情況下，合格電熱水爐都有恆溫及過熱保護裝置，不會即時「爆煲」；但長開仍會加速零件老化，建議外出多日時務必要熄掣。

總結來講，長期唔熄電掣雖然方便，但確實會多用電。如果用得頻繁（例如大家庭冬天時），可以長開；否則最好用完就關，長遠慳電又安全。